Shperthimi ne Vlore, ambulanca inekzistente!

Dje me daten 9 Shtator ne mes te bulevardit te Vlores u ekzekutua me ane te lendeve plasese nje gjykates. Per fatin e tij te keq, edhe pse u nxorr i gjalle nga makina, u transportua ne spital si vic i therrur me furgonin e policise. Cuditerisht pamja nuk ishte e panjohur, te pakten per mua. Rreth 2-3 vjet me pare, serish ne Vlore, u be nje perpjekje per te ekzekutuar dike perseri me ane te eksplozivit por qe per fat te keq viktima ishte nje kalimtar i rastit. Duke qene shume afer shperthimit dhe jo aq rastesisht me nje aparat fotografik ne dore, nxitova te kap castet e pas-shperthimit dhe arrita te shihja me syte e mij qe viktima ishte ende gjalle. Per fat te keq, shoferet e ambulances do kene qene duke ngrene qofte e duke pire raki perderisa viktima u transportua serish me furgonin e policise dhe serish, si ne rastin e djeshem, dha shpirt rruges porsi nje vic i therrur… Automatikisht dhe me te drejte te lind pyetja: Nese viktimat do te trajtoheshin menjehere me medikamentet perkatese dhe me aparaturat jete-shpetuese, a do te kishin nje shans sado minimal per te mbijetuar? Nese po, atehere koka duhet te rrotullohen, pergjegjes duhet te dalin para ligjit, situtata te tilla te mos perseriten!!!

Fotot e rastit te kaluar (per copyright, te interesuarit te na kontaktojne nepermjet e-mailit).

Videoja e shperthimit te djeshem (rubrika e Top Channel)