Teknologjia “Touchscreen”, pak histori.

Sensori i parë me prekje u krijua nga dr. Sam Hurst, në vitin 1971, ndërsa punonte në Universitetin e Kentakit. Ky sensor u quajt “Elograph” dhe u patentua prej Fondacionit të Kërkimeve Shkencore pranë Universitetit të Kentakit. Elografi nuk ishte i tejdukshëm si “ekran-prekshmët” e sotshëm. Gjithsesi ky kërkim shkencor rezultoi një gur themeltar në teknologjinë “Touchscreen”. Në vitin 1974, kjo teknologji u aplikua në një sipërfaqe të tejdukshme prej dr. Hurst dhe Elographics.

Në vitet 1979 – 1985, “Fairlight CMI”, një produkt që përdorej për të krijuar muzikë e që asokohe shitej për 26.000 dollarë amerikanë, përdorte edhe teknologjinë touchscreen.

Ndër kompjuterat e parë komercialë që përdorën këtë teknologji ishte HP-150, në vitin 1983.