Liqen akulli (me ujë) i zbuluar në planetin Mars!

Fotografia e mësipërme është publikuar në profilin zyrtar të Agjensisë Europiane të Hapësirës (ESA) në flickr.

Në përshkrimin e fotografisë ESA shpjegon se në brendësi të këtij krateri në Mars gjendet një sasi gjigande uji në formë të ngrirë (akulli). Prania e kësaj sasie uji në këtë planet bën që mundësitë për të patur dhe zhvilluar jetë (Jetë në kontekstin dhe kushtet në të cilat, ne tokësorët, e kuptojmë. Pasi mund të ketë edhe jetë “marsiane” e zhvilluar në kushte krejt të ndryshme nga tonat.) do të ishin të mëdha e që ndoshta do të jetë e afërt dita kur këto shenja jete do të zbulohen.

Shkencëtarët besojnë se akujt e ujit janë të pranishëm gjatë gjithë vitit  duke qënë se temperatura dhe presioni nuk janë të mjaftueshme dhe përshtatshme që të lejojnë ndryshimin e gjendjes së ujit nga ajo e ngrirë në të gaztë apo të lëngët.