diaspora* , ” facebook-u i ri ” – më i sigurt !

Katër studentë nga New York ditët e para të shtatorit do të paraqesin online atë që   faqja www.news.com.au e quan si “rrjeti social më i madh në botë.”

Frymëzuar nga dëgjimi i leksionit të një profesori të drejtësisë i cili shpjegonte se rrjetet sociale online mund të përdoren shumë lehtësisht edhe për të spiunuar lirshëm dhe falas; Max Salberg, Dan Grippi, Raphael Sofaer dhe Ilya Zhitomirskiy kanë kaluar gjashtë muaj duke ideuar dhe krijuar atë që e quajtën më vonë “Diaspora” – një lloj “Facebook-u” të cilin mund ta krijosh dhe modifikosh sipas dëshirës.

Në fillim të tetorit është planifikuar që Diaspora të fillojë tamam “punën” dhe pritet të jetë një konkurrent i denjë me gjigandët e tjerë botëror të njohur tashmë. E veçanta që ky rrjet social duket të ofrojë pra është mbrojtja e të dhënave personale të përdoruesëve të tij.

Detaje të sakta se si do të funksionojë Diaspora deri tani janë të pakta. Ekipi krijues dhe zhvillues ka qenë shumë i zënë me punë ose shumë i kujdesshëm për të dhënë “sekrete” dhe detaje. Deri atëherë na mbetet vetëm të presim.