Alkool + Timon = Vdekje

E trishtueshme por e vërtetë! Ndodh shpesh e sidomos në periudhë festash që në Shqipëri të ketë aksidente shumë të rënda me pasojë jo në pak raste edhe vdekjen e të përfshirëve në to.

Arsyet janë nga më të shumtat, absurdet e idiotet; por nëse nuk mundim të ndryshojmë shumëçka në sigurinë rrugore, patrullat e policive, mungesën e sinjalistikës apo rrugët e prishura e të papërshtatshme të paktën le të bëjmë atë që ne kemi në dorë! TË JETOJMË! E duke qënë në periudhe festash le të kujtojmë e të bëjmë thirrje që këto ditë festive të mos kthehen në ditë morti. Urojmë të mos dëgjojmë më për aksidente si ky i sotshmi në qëndër të Tiranës, në Bulevardin Dëshmorët e Kombit ku tre persona kanë humbur jetën dhe një tjetër është ende në rrezik.