Prokuroria e vërtetë është media!
Por le të mos tregohemi naivë duke aluduar se realisht media e vetme dhe për vete ka kaq shumë pushtet, ama as të mos aludojmë se nuk kanë meritat e tyre në zbardhjen e shumë çështjeve. Le të themi se ato që zyrtarisht nuk thuhen për të qënë “polliticaly correct” nga zyra të ndryshme “i vihen në gojë” medias. Mediat me shumë përkushtim e profesionalizëm kanë përcjellë shpeshherë (jo gjithmonë) ndjenjë solidariteti, qytetarie e dëshire për informim e drejtësi. Syhapja që media bën në popullin relativisht të pa ditur por edhe të pafuqishëm e të dërrmuar natyrshëm nuk pëlqehet nga shërbëtorët tanë, nga ata të cilët i kemi emëruar për të na shërbyer e që në fakt nuk e bëjnë, përkundrazi…
Një ndër gazetat më të respektuara në Vënd, e cila funksionon mbi standarte informimi e menaxhimi europian, me eksperiencë nga vendi ynë fqinj (Italia), shpesh ka denoncuar skandale që prekin eksponentët më të lartë të politikës shqiptare.
Shpluhurosja edhe një herë e “Gërdecit” me fakte të reja që tregojnë implikimin e drejpërdrejtë të qeveritarëve dhe familjeve të tyre nuk është pritur aspak mirë dhe është tentuar më së koti ndalimi i shpërndarjes së gazetës.
Një lëvizje totalisht e pamatur kjo që dëmton akoma më tepër në rast se do të kishte thjeshtë heshtje nga Qeveria!
/FunkyFish/
